कुमारी बैंकको १ लाख १ हजार कित्ता संस्थापक शेयर विक्रीमा

काठमाडौं । कुमारी बैंक लिमिटेडले एक लाख एक हजार कित्ता संस्थापक शेयर बिक्री गर्ने भएको छ ।

बैंकले एक सूचना प्रकाशन गर्दै नेपाल राष्ट्र बैंकको निर्देशन बमोजिम सर्वप्रथम बैंकका संस्थापक शेयरधनीहरुलाई नै प्राथमिकता दिनुपर्ने भएकाले संस्थापक शेयर खरिद गर्न इच्छुक संस्थापक शेयरधनीहरुलाई सूचना प्रकाशन भएको मितिले ३५ दिनभित्र आवेदन दिन बैंकले आग्रह गरेको छ ।

शेयरको विक्री मुल्य विक्रेताले तोके बमोजिम हुने बैंकले जनाएको छ ।

बैंकले ईच्छुक आवेदकहरुलाई आवश्यक कागजपत्र संकलन गरेर बैंकको शेयर रजिष्ट्रार कुमारी क्यापिटल नक्साल १, काठमाडौं अथवा कुमारी बैंकको रजिष्टर्ड कार्यालय टंगाल काठमाडौंमा आइपुग्ने गरि निवेदन दिन आग्रह गरेको छ ।