नेपाली फुटबल टिमले बंगलादेशसँग मैत्रीपूर्ण खेल खेल्ने

काठमाडौं । नेपाली फुटबल टिमले बंगलादेशसँग मैत्रीपूर्ण खेलका लागि राष्ट्रिय खेलकुद परिषद्ले स्विकृति दिएको छ । बंगलादेश फुटबल टिमले नेपाली फुटबल टिमसँग मैत्रीपूर्ण खेलका लागि प्रस्ताव गरेको थियो ।

परिषद्ले आफ्नो तरिकाले एन्फालाई मैत्रीपूर्ण खेलका लागि स्विकृत दिएको हो । यसका लागि नेपाली फुटबल टिमले दशैं र तिहार पछि प्रशिक्षण सुरु गर्ने भएको छ । एन्फाले बंगलादेशसंग अन्तराष्ट्रिय मैत्रीपूर्ण फुटबल खेल्न राखेपबाट अनुमति पाएसंगै अभ्यासका लागि पनि मौका मिलेको हो ।

मैत्रीपूर्ण खेलका लागि अभ्यासको अनुमति माग गर्दै एन्फाले राखेपलाई पटकपटक आग्रह गर्दै आएको थियो । नोभेम्बरको ११ देखि १९ भित्र बंगलादेशसँग दुई मैत्रीपूर्ण खेल हुनेछन् । त्यसका लागि दसैंपछि राष्ट्रिय टोलीको अभ्यास थाल्नु पर्नेछ ।