नेपाल रेडक्रस सोसाइटीको ५९ औं स्थापना दिवसको अवसरमा आमाहरुलाई लत्ताकपडा, मास्क तथा फलफूल बितरण
नेपाल रेडक्रस सोसाइटीको ५९ औं स्थापना दिवसको अवसरमा नेरेसो भद्रपुर उपशाखा झापा द्वारा संचालन गरिएको सप्ताह व्यापी रक्तदान , मास्क तथा लत्ताकपडा बितरणको आज अन्तिम दिनको पहिलो कार्यक्रम अन्तरगत मेची प्रादेशिक अस्पताल स्थित पोषण पुनःस्थापना केन्द्र भद्रपुरमा रहनुहुने बालबालिका र रेखदेखमा रहनुहुने आमाहरुलाई लत्ताकपडा, मास्क तथा फलफूल बितरण गरिएको छ ।
मेची प्रादेशिक अस्पतालका मेडिकल सुपरिटेन्डेन्ट डाक्टर टंक प्रसाद बाराकोटी ज्युको प्रमुख आतिथ्यता एवं उपशाखाका सभापति गोपाल गिरि ज्युको अध्यक्षतामा भएको संक्षिप्त्त कार्यक्रममा पोषण गृहलाई ४२ थान कपडा, १५० थान मास्क र फलफूल बितरण गरिएको छ ।
नेपाल रेडक्रस सोसाइटी भद्रपुर उपशाखाका सभापति गोपाल गिरि ज्युले कार्यक्रममाथी प्रकाश पार्नुभएको कार्यक्रममा प्रमुख अतिथि ज्युले आफ्नो मन्तव्यको क्रममा कुनैपनी सहयोग सानोठुलो नहुने र मेची अस्पताललाई सबैको साथसहयोग चाहिने कुरा बताउनुभएको छ ।
उक्त हस्तान्तरण कार्यक्रममा पोषण गृहका प्रमुख गङ्गा लिम्बू, व्या. तथा सीप बिकास तालिम केन्द्रका कर्मचारी गौतम पौडेल , नेरेसो झापा शाखाका कार्यालय प्रमुख केदार महत, उपशाखाका उपसभापति गोपाल भुर्तेल, उप–कोषाध्यक्ष सीता भण्डारी , पोषण गृहका नर्सिङ स्टाफ गोमा अधिकारी , सेवाग्राही बालबालिका र अभिभावकहरुको उपस्थिति रहेको थियो ।। कार्यक्रम उपशाखाका सचिब दिप कुमार लिम्बुले संचालन गरेका थिए ।
दिप लिम्बू
भिडियो हेर्नको लागि