राजसंस्था स्थापनाको माग गर्दै काठमाडौंमा राजावादीहरुको प्रदर्शन
काठमाडौं । राजतन्त्र पुनस्र्थापनाको माग गर्दै राजावादीहरुले शनिबार काठमाडौंमा बृहत प्रदर्शन गरेका छन् । ‘राष्ट्रिय नागरिक आन्दोलन समिति २०७७’ को आह्वानमा भएको प्रदर्शनमा सहभागीहरुले हातहातमा राष्ट्रिय झण्डा बोक्दै राजतन्त्र पुनस्र्थापनाको माग सहित नारा लगाएका थिए ।
पृथ्वीनारायण शाहको तस्वीर बोकेका उनीहरुले राजसंस्थाको स्थापना तथा संघीयता र धर्म निरपेक्षता खारेज गर्नुपर्ने नारा लगाएका थिए । प्रदर्शनमा सहभागीहरुले ‘गणतन्त्र धोका हो, संघीयता खारेज गरौँ, हिन्दू राष्ट्र कामय गर, मेची–काली के भन्छ नागरिक सरकार ल्याउ भन्छ, एमसीसी खारेज गरौँ जस्ता नारा लगाएका थिए ।
माइतीघरमा भेला भएका राजवादीहरुको जुलुस नयाँवानेश्वरसम्म पुगेको थियो । त्यसक्रममा ठूलो संख्यामा सुरक्षाकर्मी परिचलन गरिएको थियो । समितिले आगामी फाुगन ७ गते काठमडौंबाट निर्णायक आन्दोलन गर्ने पनि जनाएका छन् ।
