फर्स्ट माइक्रोफाइनान्सको साधारण सभा भोलि हुँदै

काठमाडौं । फर्स्ट माइक्रोफाइनान्स लघुवित्तकोे ११ औ वार्षिक साधारण सभा भोलि मंसिर १८ गते हुने भएको छ । उक्त सभा आम्रपाली ब्याक्वेटमा बिहान ११ बजे हुने भएको छ।

लघुवित्तको २२ गते बसेको संचालक समितिको बैठकले साधारण सभा गर्ने निर्णय गरेको हो । उक्त सभा प्रयोजनको लागि शेयरधनी दर्ता पुस्तिका मंसिर ५ गते बन्द रहको कम्पनीले जनाएकोे छ । जसका कारण मंसिर ४ गतेसम्म कायम रहेका शेयरधनीले लाभांश पाउनेछन् ।

सभाले ९ दशमलव ५० प्रतिशत बोनस शेयर र ४ दशमलव १८ प्रतिशत नगद लाभांश वितरण गर्ने प्रस्ताव पारित गर्ने भएको छ। सभाले अन्य उपयुक्त बैंक तथा वित्तीय संस्था गाभ्ने गाभिने सम्बन्धी आवश्यक सम्पूर्ण जिम्मेवारी संचालक समितिलाई अख्तियारी दिने र सर्वसधारण शेयरधनीको तर्फबाट ३ जना संचालकको निर्वाचन गर्ने प्रस्ताव पनि पारित गर्ने भएको छ ।