सिभिल बैंकद्वारा १० जना कोभिड संक्रमितलाई प्लाज्मा दान गर्ने

काठमाडौं । सिभिल बैंक लिमिटेडले १० वर्ष पूरा गरेको अवसरमा १० जना कोरोना संक्रमितलाई प्लाज्मा दान गर्ने भएका छन ।

बैंकले १० वर्ष पूरा गरेको अवसरमा कोरोना संक्रमित भई निको भएका १० जना कर्मचारीहरुबाट कोरोना संक्रमितलाई प्लाज्मा दान गर्ने बैंकका प्रमुख कार्यकारी अधिकृत ९सीईओ० गोविन्द गुरुङले जानकारी दिए ।

उनले बुधबार बैंकको १०औं वार्षिकोत्सवमा बोल्दै १० जना कर्मचारीबाट प्लाज्मा दान गर्ने बताएका हुन् । यस्तै उनले टुँडीखेलमा खाना खानेलाई १० दिन निःशुल्क खाना खुवाउने पनि जानकारी दिए ।

उनले भने, कम्तिमा १० जना कोभिड-१९ संक्रमितलाई बचाउन सकिन्छ भन्ने सोचले प्लाज्मा दान गर्न लागिएको हो । देशभर सिभिल बैंकका २ सय जना कर्मचारीहरु कोरोना संक्रमित भएका थिए । जसमध्ये एक जना सुरक्षा गार्डको निधन पनि भएको थियो ।