सिद्धार्थ बैंकले ल्यायो ‘व्यावसायिक कृषि तथा पशुपालन कर्जा’ योजना, कर्जामा १० करोडसम्म उपलब्ध गराउने
काठमाडौं । सिद्धार्थ बैंकले कृषि तथा पशुपालन व्यवसाय प्रवद्र्धन तथा विकासमा टेवा पुर्याउन १० करोडसम्मको कर्जा सुविधा उपलब्ध गराउने भएको छ ।
ग्राहकलाई सहज रूपमा सो कर्जा प्रदान गर्न बैंकले ‘व्यावसायिक कृषि तथा पशुपालन कर्जा’ योजना सञ्चालनमा ल्याएकोे जानकारी दिएको छ ।
कृषि तथा पशुपंक्षीजन्य क्षेत्रको व्यवसाय प्रवद्र्धन गरी देशमा उत्पादन एवं रोजगारी अविवृद्धि गर्ने उद्देश्यका साथ बैंकले यो कर्जा सुविधा ल्याएको बताएको छ ।
कृषि क्षेत्रको विकासलाई दृष्टिगत गर्दै बैंकले प्रवाह गर्ने यस कर्जा सुविधाले ग्राहकलाई कृषि तथा पशुपालन व्यवसायमा संलग्न हुन अझ बढि हौसला पुग्ने र कृषि क्षेत्र बिस्तारै आधुनिकीकरण एवं व्यावसायीकरणतर्फ उन्मुख हुने विश्वास बैंकको छ ।
सहुलियतपूर्ण कर्जामा बैंकले आफ्नो आधार दरमा अधिकतम २ प्रतिशत प्रिमियम थप गरी ५ प्रतिशत ब्याज अनुदान उपलब्ध गराउने व्यवस्था रहेको छ । १० करोड सम्मको कर्जा सुविधा, प्रशासनिक र नवीकरण शुल्क नलाग्ने, १५ वर्ष सम्मको कर्जा अवधि तथा ब्याज अनुदान ५ वर्षसम्म प्राप्त हुने यस कर्जा योजनाका प्रमुख विशेषता भएको बैंकको भनाइ छ ।
यस कर्जा सिद्धार्थ बैंक तथा यूकेएड सक्षम एक्सेस टु फाईनान्स प्रोग्राम बीचको सहकार्यमा ग्राहक समक्ष ल्याईएको देशको कृषि तथा पशुपंक्षीजन्य क्षेत्रका उद्यमहरुको वित्तीय पहुँचमा वृद्धि गर्न सञ्चालन गरिएको बैंकले जनाएको छ ।