लागू औषध प्रयोगकर्ताले एटिएमलाई निसाना बनाउदा रंगेहात पक्राउ

काठमाडौं । तनहुँको व्यास नगरपालिका-४ ट्राफिक चोकस्थित माछापुच्छ्रे बैंकको एटिएम तोडफोड गरी रकम चोरी गर्दै गरेको अवस्थामा एक जना लागू औषध प्रयोगकर्तालाई प्रहरीले पक्राउ गरेको छ । दशैंको समयमा मानिसको चहल पहल कम भएको मौका छोपेर लागू औषध प्रयोगकर्ताहरुले बैंकका एटिएमलाई निशाना बनाई चोरी गर्न लाग्दा पक्राउ गरेको जनाएको छ ।

पर्सा पटेर्वा सुगौली गाउँपालिका-२ रंगपुरटाढी घर भएका १९ वर्षीय किरण बानियाँलाई प्रहरीले नियन्त्रित लागू औषध १ सय ३५ ट्याब्लेट नाईट्राभेट सहित पक्राउ गरेको प्रहरीले जनाएको छ ।

लागू औषध प्रयोगकर्ताहरु लुटपाट, चोरी तथा डकैती नियन्त्रणमा चुनौतिपूर्ण बन्द आएको छ लागू औषधका लागि लुट्ने, चोरी गर्ने, डकैती गर्ने, हत्या सम्म गर्ने गरेका उनीहरुले अब एटिएम मेशिनतर्फ पनि ध्यान दिन थालेको तनहुँको घटनाबाट देखिएको छ ।

तनहुँस्थित एटिएम मेशिनबाट रकम निकाल्ने पिनहरू स्क्रुपको सहायताले खोल्दै गरेको अवस्थामा प्रहरीले ति व्यक्तिलाई पक्राउ गरेको जनाएको छ ।

ग ११ प ९९६५ नम्बरको मोटरसाइकलमा आएका उनले केहीबेरमै एटिएमबाट रकम लुटेर भाग्ने योजनासाथ काम गरिरहेको अवस्थामा प्रहरीले रंगेहात पक्राउ गर्न सफल भएको हुनाले घटनामा ठूलो क्षति हुन नपाएको तनहुँ प्रहरीले जनाएको छ ।