दिल्लीलाई हराउँदै मुम्बई ‘क्वालिफायर’मा

साविक विजेता मुम्बई इन्डियन्स आईपीएल क्रिकेटको क्वालिफायरमा पुगेको छ । युएईको दुबईमा गएराति भएको खेलमा दिल्लीलाई ९ विकेटले हराउँदै मुम्बई क्वालिफायरमा पुगेको हो । खेलमा दिल्लीले दिएको १ सय ११ रनको झिनो लक्ष्य मुम्बईले १४ ओभर २ बलमा १ विकेट गुमाएर पुरा गर्यो । मुम्बईको जितमा इशान किशनले अविजित रहँदै ७२ रन जोडे ।

जितसँगै मुम्बईले १३ खेलमा १८ अंक जोड्दै तालिकाको शीर्ष स्थानको पकड बलियो पारेको छ । अन्तिम खेलमा पराजित भएपनि मुम्बई शीर्ष दुईमै रहने छ । आईपिएल क्रिकेटको लिग चरणमा शीर्ष दुईमा रहने टिमले क्वालिफायर खेल्ने छन् ।

क्वालिफायरको विजेता फाइनल पुग्नेछ भने पराजित हुने टिमले दोस्रो क्वालिफायर खेल्न अवसर पाउनेछ । मुम्बईसँग पराजित भएपछि दिल्लीलाई भने अब प्ले– अफमा पुग्न अन्तिम खेल जित्नै पर्ने भएको छ । तेस्रो स्थानमा रहेको दिल्लीको १३ खेलमा १४ अंक छ ।

आईपीएल अन्र्तगत गएराति भएको अर्को खेलमा सनराईजर्स हैदरावादले रोयल च्यालेन्जर्स बैंग्लोरलाई ५ विकेटले हराएको छ । खेलमा बैंग्लोरले दिएको १ सय २१ रनको सामान्य लक्ष्य हैदरावादले १४ ओभर १ बलमा ५ विकेट गुमाएर पुरा गर्यो ।

जितसँगै हैदरावादले प्ले अफ्मा छनौट हुने संभावना जिवित राखेको छ । आईपिएल क्रिकेटमा आज चेन्नाई र पन्जाब तथा कोलकाता र राजस्थान भिड्नेछन् ।